2022 წლის 5-7 დეკემბერს, IOM-მა საზღვრის რისკების ანალიზის საკითხზე საქართველოს შინაგან საქმეთა სამინისტროს (შსს) ანალიტიკოსებისთვის ტრენინგი ჩაატარა. ტრენინგი მიზნად ისახავდა საზღვრის მართვაში ჩართული შსს დანაყოფების (საინფორმაციო-ანალიტიკური დეპარტამენტი, სასაზღვრო პოლიცია, საპატრულო პოლიციის დეპარტამენტი და მიგრაციის დეპარტამენტი) ანალიტიკური შესაძლებლობების განვითარებას.

2022 წლის 9 ნოემბერს, საქართველოს შინაგან საქმეთა სამინისტროს მიგრაციის დეპარტამენტის 10-მა თანამშრომელმა მონაწილეობა მიიღო თბილისში გამართულ სამუშაო შეხვედრაში, რომელიც ეხებოდა საქართველოში უკანონოდ მყოფი უცხო ქვეყნის მოქალაქეების დაკავების ალტერნატიულ ზომებს.

29-30 ოქტომბერს იუსტიციის უმაღლესი სკოლის (HSOJ) წყალტუბოს ფილიალში მიგრაციის საკითხებზე ტრენერეთა ტრენინგი ჩატარდა. ექვსმა მოსამართლემ ახალციხის, ბათუმისა და თბილისის საქალაქო და სააპელაციო სასამართლოებიდან განიხილეს საქართველოს სისხლის სამართლის და ადმინისტრაციული კოდექსის მიგრაციასთან დაკავშირებული ასპექტები.

5-7 ოქტომბერს IOM-მა ღია წყაროების ანალიზის ტრენინგი ჩაატარა საქართველოს შინაგან საქმეთა სამინისტროსა (შსს) და საქართველოს შემოსავლების სამსახურის ანალიტიკოსებისთვის ღია წყაროებიდან ინფორმაციის შეგროვებასა და დამუშავებაში მათი ანალიტიკური უნარების გაზრდის მიზნით.

22 და 24 აგვისტოს მიგრაციის საერთაშორისო ორგანიზაციამ (IOM) ბათუმსა და თბილისში სახმელეთო გადაკვეთის პუნქტებისთვის გადამდებ დაავადებებზე რეაგირების გეგმისა და სტანდარტული ოპერაციული პროცედურის შესახებ ორი სემინარი ჩაატარა.

სასაზღვრო გამშვებ პუნქტებზე ,,ყაზბეგი'' და ,,ქუთაისის აეროპორტი“ კორონავირუსის და სხვა გადამდები დაავადებების გავრცელების პრევენციის მიზნით, საზღვრის მკვეთი პირებისთვის საიზოლაციო სივრცეები მოეწყო.

18 ივლისს მიგრაციის საერთაშორისო ორგანიზაციამ (IOM) დაიწყო ყალბი დოკუმენტების აღმოჩენისა და შემოწმების ტრენინგები შინაგან საქმეთა სამინისტროს (შსს) საპატრულო პოლიციის დეპარტამენტის მესაზღვრე-კონტროლიორებისა და საქართველოს შემოსავლების სამსახურის მებაჟე ოფიცრებისათვის. 2.5 დღიანი ტრენინგები მიზნად ისახავს თბილისში, ქუთაისსა და ბათუმში საქართველოს მასშტაბით სხვადასხვა სასაზღვრო გამტარი პუნქტების თანამშრომლების გადამზადებასა და მათი უნარების გაზრდას საზღვრებზე ყალბი დოკუმენტების გამოსავლენად. IOM-ის მიერ მოწვეულ იქნა ნიდერლანდელი ექსპერტი, ალექს ვან დურენი, რომელიც მონაწილეებს გაუზიარებს საკუთარ გამოცდილებას დოკუმენტების შემოწმების, დამცავი ნიშნების, ბეჭდვის ტექნიკებისა და თვითმარქვიების აღმოჩენის შესახებ.

4-8 ივლისს, IOM-მა არალეგულარული მიგრაციის ტრენერთა ტრენინგის კურსი ჩაატარა საქართველოს შინაგან საქმეთა სამინისტროს აკადემიისთვის.

რადიო კომუნიკაციის მოწყობილობები გააძლიერებს შემოსავლების სამსახურის საბაჟო დეპარტამენტის ოპერაციულ შესაძლებლობებს და უზრუნველყოფს ინფორმაციის მიმოცვლას სასაზღვრო გამტარ პუნქტებზე.