IOM - Informed Migration
ინფორმირებულიმიგრაცია,უსაზღვროშესაძლებლობები
MENU

სიახლეები

დიასპორის ბიზნეს ფორუმი საქართველოში

მიმდინარე წლის 10, 11 და 12 დეკემბერს, ევროკავშირის ფინანსური მხარდაჭერით, მიგრაციის საერთაშორისო ორგანიზაციის (IOM) და საქართველოს საგარეო საქმეთა სამინისტროს თანაორგანიზებით, დიასპორის ბიზნეს ფორუმი გაიმართა.

ფორუმი მიზნად ისახავდა ქვეყნის ეკონომიკური განვითარების პროცესში დიასპორის ჩართულობის ხელშეწყობას, საზღვარგარეთ მცხოვრებ თანამემამულეებსა და ადგილობრივ ბიზნესს შორის თანამშრომლობის სტიმულირებას, ბიზნეს კონტაქტების დამყარებას და ადგილობრივი ბიზნესისთვის ახალ ბაზრებზე ხელმისაწვდომობის გაზრდას. ღონისძიების მონაწილეებს -  საზღვარგარეთ მცხოვრებ თანამემამულეებს და უცხოელ სტუმრებს -  საშუალება მიეცათ, გაეცნობოდნენ საქართველოს საინვესტიციო და სამეწარმეო გარემოს, ბიზნესის ხელშემწყობ სახელმწიფო პროგრამებსა და ინიციატივებს.

მგზავრის წინასწარი მონაცემის / მგზავრის სახელის ჩანაწერის საკოორდინაციო და მონაცემების ანალიზის სამუშაო შეხვედრა საქართველოს სამთავრობო უწყებებისთვის

2021 წლის 15 ნოემბერს, IOM-მა საქართველოს სამთავრობო უწყებებისთვის საკოორდინაციო შეხვედრა გამართა მგზავრის წინასწარი მონაცემის / მგზავრის სახელის ჩანაწერის (API/PNR) საკითხზე, რომელსაც შესაბამისი მონაცემების ანალიზის სემინარით (16-17 ნოემბერი) დაბოლოვდა. საკოორდინაციო შეხვედრაზე შეჯამდა IOM-ის ევროკავშირის მიერ დაფინანსებული პროექტის - „საქართველოში საზღვრის და მიგრაციის მართვის მდგრადობის უზრუნველყოფა (SBMMG)“ ფარგლებში ამ მიმართულებით მიღწეული შედეგები და განხილულ იქნა განხორციელებისთვის აუცილებელი შემდგომი ნაბიჯები.

ადგილობრივი განვითარების ხელშეწყობა ქართული დიასპორის ჩართულობით.

2021 წლის 12 ნოემბერს, მიგრაციის საერთაშორისო ორგანიზაციამ, ევროკავშირის მიერ დაფინანსებული პროექტის  -„ საქართველოში საზღვრის და მიგრაციის მართვის მდგრადობის უზრუნველყოფა „ - ფარგლებში უმასპინძლა ტრენინგს - ადგილობრივი განვითარების ხელშეწყობა ქართული დიასპორის ჩართულობით. ტრენინგი ჩატარდა შერეული ფორმატით და მასში მონაწილეობა მიიღეს საგარეო საქმეთა სამინისტროს დიასპორასთან ურთიერთობის დეპარტამენტისა და ეკონომიკური დეპარტამენტის წარმომადგენლება, ასევე, მთავრობის ადმინისტრაციის, ეკონომიკისა და მდგრადი განვითარების სამინისტროს, პროფესიული უნარების სააგენტოსა და მუნიციპალიტეტების წარმომადგენლებმა.

ევროკავშირმა შინაგან საქმეთა სამინისტროს და შემოსავლების სამსახურს პასპორტის წამკითხველი მოწყობილობები გადასცა

2021 წლის 11 ნოემბერს თბილისის საერთაშორისო აეროპორტში გამართულ ღონისძიებაზე, მიგრაციის საერთაშორისო ორგანიზაციამ (IOM), ევროკავშირის მხარდაჭერით განხორციელებული პროექტის ფარგლებში, შინაგან საქმეთა სამინისტროს საპატრულო პოლიციის დეპარტამენტს და შემოსავლების სამსახურის საბაჟო დეპარტამენტს 63 ცალი ARH Osmond R პასპორტის წამკითხველი გადასცა. ეს უახლესი ტექნიკური საშუალებები განთავსდება საქართველოს სასაზღვრო გამტარ პუნქტებზე და ხელს შეუწყობს სასაზღვრო კონტროლის ეფექტიანობის ამაღლებას და სამგზავრო დოკუმენტების ვერიფიკაციის გაძლიერებას. მოწყობილობები ავტომატურად კითხულობენ და ინახავენ მგზავრის მონაცემებს. მათ შესაძლებლობა აქვთ დაასკანერონ პასპორტის მონაცემების გვერდი და ასევე გააჩნიათ ელექტრონული ჩიპების წამკითხველი. 80,000 ევროს (300,000 ლარის) ღირებულების აღჭურვილობა კიდევ უფრო გააძლიერებს სასაზღვრო უსაფრთხოებას და გააუმჯობესებს საქართველოს მთავრობის შესაძლებლობებს უკანონო მიგრაციასთან ბრძოლაში.

IOM-მა სახელმწიფო სერვისების განვითარების სააგენტოს თანამშრომლებისთვის დოკუმენტების შემოწმების შეესახებ ტრენინგი დაიწყო

26 ოქტომბერს IOM საქართველომ, იუსტიციის სამინისტროს სახელმწიფო სერვისების განვითარების სააგენტოს თანამშრომლებისთვის სამდღიანი “დოკუმენტების შემოწმების” ტრენინგი   დაიწყო. IOM-მა აღნიშნული კურსის ჩასატარებლად ნიდერლანდებიდან დოკუმენტების ექსპერტი - ალექს ვან დურენი მოიწვია, რომელიც სხვა თემებთან ერთად მონაწილეებს დოკუმენტების შემოწმების, საიდენტიფიკაციო მექანიზმებისა და პირადობის დამადასტურებელი დოკუმენტების შესამოწმებელი ტაქტიკური და ტექნიკური აღჭურვილობის გამოყენების შესახებ საკუთარ გამოცდილებას გაუზიარებს.

ეს ვებსაიტი შექმნილია ევროკავშირის მხარდაჭერით. მის შინაარსზე სრულად პასუხისმგებელია IOM და შესაძლოა, რომ იგი არ გამოხატავდეს ევროკავშირის შეხედულებებს.