ექსპერტების რჩევები უკანონო მიგრაციის სქემების გამოსავლენად, რომელიც მიზნად ისახავს საქართველოს მოქალაქეების ევროკავშირში უკანონოდ ყოფნის ხელშეწყობას, ხელს შეუწყობს შენგენის ზონაში საქართველოს მოქალაქეების მიერ თავშესაფრის მიღების უსაფუძვლო განაცხადების რაოდენობის შემცირებას.

დოკუმენტების გაყალბების თანამედროვე ტენდენციების გაცნობა და დოკუმენტის შემოწმების მოწინავე ტექნიკა საქართველოს სასაზღვრო ორგანოებს საკუთარი უნარ-ჩვევების გაძლიერებასა და ყალბი დოკუმენტებით მოსარგებლეთა გამოვლენაში დაეხმარება, რაც ხელს შეუწყობს საქართველოს საზღვრის უსაფრთხოებას.

ევროკავშირის მიერ მიღებული 70 000 ევროს ოდენობის აღჭურვილობით საქართველოს სასაზღვრო პოლიცია განავითარებს საკუთარ შესაძლებლობებს ელექტრონული სწავლების კუთხით და გააძლიერებს კომუნიკაციას საზოგადოებასთან და საზღვრისპირა მოსახლეობასთან.

მიმდინარე წლის 10, 11 და 12 დეკემბერს, ევროკავშირის ფინანსური მხარდაჭერით, მიგრაციის საერთაშორისო ორგანიზაციის (IOM) და საქართველოს საგარეო საქმეთა სამინისტროს თანაორგანიზებით, დიასპორის ბიზნეს ფორუმი გაიმართა.

ფორუმი მიზნად ისახავდა ქვეყნის ეკონომიკური განვითარების პროცესში დიასპორის ჩართულობის ხელშეწყობას, საზღვარგარეთ მცხოვრებ თანამემამულეებსა და ადგილობრივ ბიზნესს შორის თანამშრომლობის სტიმულირებას, ბიზნეს კონტაქტების დამყარებას და ადგილობრივი ბიზნესისთვის ახალ ბაზრებზე ხელმისაწვდომობის გაზრდას. ღონისძიების მონაწილეებს -  საზღვარგარეთ მცხოვრებ თანამემამულეებს და უცხოელ სტუმრებს -  საშუალება მიეცათ, გაეცნობოდნენ საქართველოს საინვესტიციო და სამეწარმეო გარემოს, ბიზნესის ხელშემწყობ სახელმწიფო პროგრამებსა და ინიციატივებს.

2021 წლის 6-დან 10 დეკემბრამდე პერიოდში IOM-მა საქართველოს საგარეო საქმეთა სამინისტროს საკონსულო დეპარტამენტის თანამშრომლებისთვის ჰიბრიდული ტრენინგი ჩაატარა. ტრენინგის თემა იყო უცხოელების მიერ შეტანილი საქართველოს სავიზო განაცხადების განხილვის მიმართულებით ევროპის ქვეყნების გამოცდილების გაზიარება.

2021 წლის 18 ნოემბერს, IOM-ის საქართველოს ორგანიზებით გაიმართა ონლაინ ტრენინგი - საერთაშორისო დასაქმების პოლიტიკა და პრაქტიკა.

ტრენინგში მონაწილეობას იღებდნენ საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს შრომითი მიგრაციის  სამმართველოსა და შრომის ინსპექციის სამსახურის თანამშრომლები. ტრენინგს უძღვებოდნენ IOM-ის სათავო ოფისის წარმომადგენლები, მოწვეული ექსპერტის ჩართულობით.

2021 წლის 15 ნოემბერს, IOM-მა საქართველოს სამთავრობო უწყებებისთვის საკოორდინაციო შეხვედრა გამართა მგზავრის წინასწარი მონაცემის / მგზავრის სახელის ჩანაწერის (API/PNR) საკითხზე, რომელსაც შესაბამისი მონაცემების ანალიზის სემინარით (16-17 ნოემბერი) დაბოლოვდა. საკოორდინაციო შეხვედრაზე შეჯამდა IOM-ის ევროკავშირის მიერ დაფინანსებული პროექტის - „საქართველოში საზღვრის და მიგრაციის მართვის მდგრადობის უზრუნველყოფა (SBMMG)“ ფარგლებში ამ მიმართულებით მიღწეული შედეგები და განხილულ იქნა განხორციელებისთვის აუცილებელი შემდგომი ნაბიჯები.

2021 წლის 12 ნოემბერს, მიგრაციის საერთაშორისო ორგანიზაციამ, ევროკავშირის მიერ დაფინანსებული პროექტის  -„ საქართველოში საზღვრის და მიგრაციის მართვის მდგრადობის უზრუნველყოფა „ - ფარგლებში უმასპინძლა ტრენინგს - ადგილობრივი განვითარების ხელშეწყობა ქართული დიასპორის ჩართულობით. ტრენინგი ჩატარდა შერეული ფორმატით და მასში მონაწილეობა მიიღეს საგარეო საქმეთა სამინისტროს დიასპორასთან ურთიერთობის დეპარტამენტისა და ეკონომიკური დეპარტამენტის წარმომადგენლება, ასევე, მთავრობის ადმინისტრაციის, ეკონომიკისა და მდგრადი განვითარების სამინისტროს, პროფესიული უნარების სააგენტოსა და მუნიციპალიტეტების წარმომადგენლებმა.