უსაფრთხო მიგრაცია გულისხმობს კანონიერი შრომითი მიგრაციის ხელშეწყობას იმ შრომითი მიგრანტების უფლებების დასაცავად, რომლებიც საქართველოს სამუშაოს მოძიების მიზნით ტოვებენ. უსაფრთხო მიგრაცია ასევე გულისხმობს საზოგადოების ცნობიერების ამაღლებას არალეგალურ მიგრაციასთან დაკავშირებული რისკების და ტრეფიკინგის საფრთხეების შესახებ. ვისაც საზღვარგარეთ წასვლა განუზრახავს, ცენტრში შეუძლია მიიღოს პრაქტიკული რჩევები და სანდო ინფორმაცია მიგრაციული პროცესების შესახებ. საზღვარგარეთ სხვადასხვა მიზნით (დასაქმება, ტურიზმი, სწავლა, მუდმივი ბინადრობა და ა.შ.) გამგზავრების მსურველებს მიეწოდებათ ობიექტური ინფორმაცია კონკრეტულ ქვეყნებში ლეგალური მიგრაციის არსებული პირობების, დასაქმების შესაძლებლობის, მიგრანტთა უფლებებისა და არალეგალური მიგრაციის მოსალოდნელი საფრთხეების თავიდან აცილების შესახებ. ცენტრები გთავაზობთ სატელეფონო, ინდივიდუალურ და ონლაინ კონსულტაციებს. 
შეგიძლიათ გამოიყენოთ ჩვენი ელექტრონული საკონსულტაციო მომსახურება. კონსულტაციები კონფიდენციალური და უფასოა!
გაქვთ შეკითხვები ან გჭირდებათ დახმარება? დარეკეთ მობილურობის ცენტრების ცხელ ხაზზე (+995 32) 2 91 34 61 ორშაბათიდან პარასკევის ჩათვლით 09:00 – 17:00. ზარები ანონიმური და უფასოა! 
  იხილეთ მობილურობის ცენტრების საკონტაქტო ინფორმაცია.

თუ გსურთ გაეცნოთ უსაფრთხო მიგრაციის წარმატებულ მაგალითებს, იხილეთ ეს ბროშურა.


 ლეგალური ემიგრაციის შესახებ გზამკვლევი შემუშავდა
ჩამოტვირთეთ საინფორმაციო გზამკვლევი ლეგალური ემიგრაციის შესახებ და მიიღეთ პრაქტიკული ინფორმაცია ემიგრანტებისთვის აუცილებელი დოკუმენტების, ქვეყნიდან დროებითი ან მუდმივი გასვლის და უკან დაბრუნების სამართლებრივი გზების და მიგრაციის სფეროში მოქმედი სახელმწიფო და არასამთავრობო ორგანიზაციების და მათი საქმიანობის შესახებ. მეტი ინფორმაციისათვის ეწვიეთ მიგრაციის საკითხთა სამთავრობო კომისიის ვებგვერდს.